Marie-Immacula Destin, ke tout moun te konnen sou nom "Jezi sèl" te fèt yon jeudi 5 juin nan lané 1947 nan ville akayè kotad. Lite premye pitit manman li Jeanne Jacinthe ak Dieudonné Pierre. Li kite dèyè 3 sè: Yvètte, Louna ak Laura. Lite komanse lekol primè akayè nan lekol "du drapo" men lipat fini a koz se li kite pi gran lite obliger okiper timoun ki vini dèyèl yo. Immacula kite 2 pitit,  yon gason: Renald, tout moun konen sou nom Jojo ak yon pitit fi Varlène. Li kite 8 pitit pitit: Peter, Peterline, Bidjon, Valensky, Roosevelt, Johanne, Loovatchie, Kalen, Valccini.

Immacula se te yon fanm vanyan ki pat pè travay et ki te konnen kisa ki rele travay di. Lite konn fè tout job poul te ka chacher lavi, et li te renmen biznis ampil. Litap travay nan yon restoran ki rele paradi des zami, client kite konn vinn manger yo te tèlman renmen jan li fè manger yo pati ansanm avek li ale Guadeloup, kote ke lite responsab yon restoran lòtbò an nan epòk  ané 74. Aprèsa livinn retounen Haiti kote ke li tapral komanser nan komès, lite konn al achter nan St Domingue tout kalite produi pou li al revann Haiti. Apresa li vinn jwenn visa eta zini kote ke li kontinuer achte machandiz pou lal revann Haiti jiskaske en ané 84 li desider rete eta zini apres yon ti temps li vinn renkontrer ak mari li Felix Destin.

Tout vi Immacula te dedier  ak Bondieu, tout kote li paser li toujou ap fè louange pou Bondieu, lipat janm kacher sa Bondieu fè pouli et ki kote Bondieu soti avel,ki kote Bondieu metel, ésé nan konsa litou vinn gen nom Jezi sèl lan. Li te yon manm nan legliz First Haitian Community Church Of God. Lite yon moun kite toujou ap édé moun, lite toujou disponib pou tout moun, sitou pou bay sèvis li nan legliz lan, lite toujou konn ede bale, siye, range chèz, elatriye.

Nou prezante simpati nou bay fanmi: Desrosiers, Destin, Dieudonné, Caesar, Jasynthe, Sylvert, Joseph, Registre, Pierre, Guillaume, Pierre Louis, Laplante.

Grann Maki nou swete ke nanm ou reposer en paix et nou konnen ke kounya ou ap reposer lakay papaw. Wap toujou nan kè nou et nap toujou renmenw ke nanm ou reposer en paix.